Celf Weledol
Caroline Lowe
Rwyf yn aelod o Gyswllt Celf ers rhai blynyddoedd bellach, ac wedi cymryd rhan mewn nifer o brosiectau celf yn y gymuned. Ar ôl derbyn tystysgrif llif gadwyn (gyda chymorth ariannol gan Gyswllt Celf) cefais gyfle i gymryd rhan yn Y Symposiwm Cerfluniaeth Rhyngwladol 2005 yn Llyn Efyrnwy. Roedd hwn yn brofiad hynod werthfawr i mi, a chefais gyfle i greu fy narn gwaith cyntaf gyda llif gadwyn.
Rwyf yn gweithio gyda phobl o bob oedran a gallu i greu gweithiau o ddeunyddiau naturiol, a hefyd gyda deunyddiau diwydiannol wedi’i hail-gylchu. Yn ddiweddar rwyf wedi prynu 2.5 erw o dir er mwyn tyfu helyg o liwiau gwahanol ar gyfer fy ngwaith.
Hoffwn dderbyn awgrymiadau os oes gan unrhyw un syniadau da ynghylch defnyddio fy nhir, neu os am ei ddefnyddio fel lleoliad. Mae gen i ddau yurt, sy’n ddelfrydol ar gyfer gwaith ar daith/llefydd arddangos. Rhan amlaf byddaf yn gweithio gyda helyg, ac rwyf yn cynnal arddangosiadau gwneud cwrwgl yn Noc Albert, Lerpwl ac amryw o syniadau ar wehyddu helyg i’r Ymddiriedolaeth Genedlaethol. Mewn gwrthgyferbyniad â hyn, rwyf wedi bod yn creu addurniadau enfawr uwch foiled, fel arfer ar themâu naturiol e.e. pysgod, blodau, cefndiroedd a phryfed. Mae’r rhain yn cael eu harddangos mewn digwyddiadau mawr, ac maent i’w gweld gorau dan oleuadau uwch fioled.
