Sefydliad celf yn y gymuned yw Cyswllt Celf, a'i ganolfan yn Llanfyllin, Canolbarth Cymru. Mae'n gwasanaethu cymunedau Gogledd Cymru. Byddwn yn cynnig prosiectau celfyddydau ar raddfa fawr a bach i blant, pobl ifanc, pobl anabl sy'n dysgu, pobl hyn a chymunedau yn gyffredinol.

Rydym yn gweithio gydag ysgolion, grwpiau cymunedol, ym maes addysg i oedolion, cyrff gwirfoddol, y gwasanaeth ieuenctid a busnesau.

Gallwn roi cyngor a gwybodaeth i arlunwyr a chleientiaid.

Cwmni cyfyngedig dan warant dielw yw Cyswllt Celf. Bwrdd Cyfarwyddwyr sy’n rheoli’r cwmni, ac yn cyflogi Cyfarwyddwr Celf rhan amser, Swyddog Prosiect llawn amser, a Swyddog Gweinyddol rhan amser. Gallwch ddod i'n swyddfa i edrych ar ddogfennau sy'n ymwneud â'n cyfansoddiad cyfreithiol a'r polisïau rydym wedi'u mabwysiadu.

Mae croeso ichi fforio ein gwefan. Rhowch eich sylwadau inni. Cysylltwch â ni os credwch y gallwn eich helpu i ddatblygu prosiect neu i ddatblygu fel artist.

• darparu gweithgareddau celfyddydol cymunedol
• Hyrwyddo a daparu mynediad i arian, deunyddiau, lleoliadau a chyfleon er datblygu prosiectau celfyddydol
• Asesu prosiectau newydd o fewn yr ardal fyddai'n gallu defnyddio doniau lleol i fod o fudd diwylliannol ac economaidd i'r ardal
• Datblygu cysylltiaudau angenrheidiol ym maes y celfyddydau a busnes yng Nghymru ac mewn mannau eraill
• Cyhoeddi cylchlythyr yn rheolaidd
• Daparu gwybodaeth am gyfleon swyddi i aelodau
• Darparu corff proffesiynol i bobl sydd yn gweithio o fewn maes y celfyddydau a chrefftau gweledol a chelfyddydau perfformio
• Trechu unigrwydd gwledig
• Cefniogi unigolion a chymunedau wrth godi incwm ar gyfer gweithgareddau celfyddydol
• Cefnogi artistiad o safbwynt hyfforddiant a datblygiad

Amcanion

• Daparu a hyrwyddo gwasanaeth cyngor ac ymgynghori i fudiadau celfyddydol eraill
• Ehangu a datblygu prosiectatu celfyddydol i bob aelod o'r gymuned
• Cynyddu cysylltiadau celfyddydol a busnes er hyrwyddo mwy o weithgaredd ym maes y celfyddydau
• Cydlynu strategaeth er datblygu canolfan celfyddydol
• Datblygu rhaglen barhaus well o gynlluniau arian a chefnogaeth

Cawsom ein ffurfio fis Mawrth 1994 pan ddaeth grwp o 5 artist o Ganolbarth Cymru ynghyd i ffurfio cymdeithas gydweithredol ddielw. Tyfodd y sefydliad, gan symud i'r Ganolfan Ieuenctid a Chymunedol ym 1995. Cafodd cydlynydd rhan amser a bwrdd rheolwyr newydd eu penodi ym 1997, a dechreuwyd ar amrywiaeth o brosiectau celfyddydau cymunedol. Ym 1998, cawsom £147,000 i'w ddefnyddio dros dair blynedd oddi wrth gronfa loteri "Celf i Bawb" Cyngor Celfyddydau Cymru i ddatblygu prosiectau cyffrous ledled Gogledd Powys. Yn yr un flwyddyn, gwnaethom hefyd lwyddo i sicrhau mwy nag £20,000 o nawdd cyfatebol.

Mae Cyswllt Celf erbyn hyn yn gweithio gyda Chyfarwyddwr Celf rhan amser, Swyddog Prosiect llawn amser, a Swyddog Gweinyddol rhan amser ac yn gleient refeniw i Gyngor Celfyddydau Cymru, sydd wedi cynnig llawer o gefnogaeth a chyngor yn ystod ein datblygiad. Rydym wedi ffurfio partneriaethau â nifer o sefydliadau fel Cyngor Sir Powys, Theatr Ieuenctid Maldwyn, Gwasanaeth Ieuenctid Powys, Mencap, Dwr Hafren-Trent, Cymdeithas Tai Clwyd Alyn (Stad Oldford, Y Trallwng) a grwpiau celfyddydau cymunedol eraill ym Mhowys.

Cyswllt Celf a Hafren-Trent oedd y cyntaf erioed i ennill gwobr "Nawdd Gorau ar gyfer Gwaith Newydd" Celfyddydau a Busnes Cymru am eu prosiect Llwybr Cerfluniau o amgylch Llyn Llanwddyn. Fis Medi 2000, cyflwynwyd "Atgofion", prosiect a oedd yn cysylltu pobl ifanc â phobl hyn, yng nghromen y mileniwm. Yn Adroddiad Blynyddol 2003 Cyngor Celfyddydau Cymru, nodwyd fod Cyswllt Celf wedi gwneud gwaith gwych ym maes celf yn y gymuned, a'i fod yn enghraifft wych o arferion yn y maes hwn.

Bob blwyddyn byddwn yn darparu tua 4000 o lefydd i gyfranogwr mewn gweithgareddau celfyddydau o ansawdd yng Ngogledd Powys. Rydym bellach yn gweithio tuag at ddatblygu prosiectau newydd a phrosiectau sy'n bodoli eisoes, datblygu mwy ar ein gwaith â sefydliadau sy'n bartneriaid, creu ffynonellau nawdd cynaladwy a chynyddu ymwybyddiaeth o'r gwasanaethau i'n haelodau yng Ngogledd Powys.