Bu bobl o ganolfan Rhoslyn yn cymryd rhan mewn diwrnod o gynhyrchu printiau yn Neuadd y Santes Fair yn y Trallwng ym mis Ebrill 2006. Ar ôl tynnu lluniau, fe’u trosglwyddwyd i bolystyren ac yna cafwyd cyfle i ddewis o liwiau amrywiol i rolio ar ben y polystyren ac yna eu hargraffu ar bapur. Roedd yn ddiwrnod llwyddiannus iawn, ac roedd pawb wedi mwynhau’n fawr.

Cynhaliwyd dau ddiwrnod o weithdai’n seiliedig ar gelfyddydau gweledol gyda Mencap Llanfyllin ym mis Chwefror, a chafwyd cyfle i fwynhau cynhyrchu printiau a phortreadau.

Eleni, daeth grwp o 25 oedolion gydag anableddau dysgu o Roslyn, Mencap, Tre’r Llai, Cae Melyn ac Academi Efyrnwy i gymryd rhan yn y prosiect. Trefnwyd gweithdai cerddoriaeth, oedd yn cynnwys “boom whacker” a delweddau digidol gyda Karin Gomm, dawnsio i gerddoriaeth gyfoes yng nghwmni Helen Young a phaentio a gwneud cerfluniau gydag Ingrid Maugham. Pedair wythnos oedd hyd y prosiect, a daeth i ben gyda digwyddiad i arddangos y gwaith a gynhyrchwyd ar y diwrnod terfynol er mwyn dathlu cyraeddiadau’r prosiect. Diolch hefyd i’r hwyluswyr am eu cymorth gwych: Sally Duckers, Alwyn Wesson-Caberwal, Catherine Lewis a Hayley Mann.