Caniatâd
Rhaid
i bawb y tynnir eu ffotograff roi eu caniatâd i'w ffotograff
gael ei gyflwyno i’r gystadleuaeth. Peidiwch â chyflwyno
ffotograff o rywun nad yw’n hoffi cael tynnu ei ffotograff!
Hawlfraint
Dylech chi fod yn
berchen ar hawlfraint yr ymgeision (h.y. chi a gymerodd y
ffotograff) Byddwch chi’n cadw holl hawlfraint y ffotograffau
ond byddwch yn caniatáu i Cyswllt Celf, Asiantaeth
yr Amgylchedd a Chymdeithas Ddinesig Llanfyllin ddefnyddio'r
ffotograff yn rhad ac am ddim i roi cyhoeddusrwydd i'w sefydliad
ac i'r gystadleuaeth (sonnir yn llawn am y ffotograffydd bob
tro y defnyddir y ffotograff. Gall Asiantaeth yr Amgylchedd
hefyd ddefnyddio’r ffotograffau yn rhad ac am ddim i
gynhyrchu calendr.
Arddangosfa
Bydd y ffotograffau’n
cael eu harddangos yn Institiwt Gyhoeddus Llanfyllin ac efallai
yn y Ganolfan Ieuenctid a Chymunedol, Llanfyllin.
Diddymu ymgais
Rydym yn cadw’r hawl i dynnu ffotograff
o’r gystadleuaeth os yw’n torri unrhyw un o’r
eitemau yn y Telerau ac Amodau neu os nad yw’r ffotograff
wedi’i dynnu yn Nyffryn Afon Cain.
Atebolrwydd
Er y bydd Cyswllt Celf, Asiantaeth yr Amgylchedd
a Chymdeithas Ddinesig Llanfyllin yn gwneud pob ymdrech posibl
i gymryd gofal rhagorol o’r holl waith a gyflwynir i’r
gystadleuaeth, ni allwn ddychwelyd delweddau ar ôl iddynt
gael eu hanfon ac ni ellir ein dal yn atebol am unrhyw golled
neu ddifrod i'r gwaith. Felly peidiwch ag anfon yr unig gopi
o’r ffotograff – cadwch gopi meistr!
Terfyn Amser
Daw’r gystadleuaeth
i ben ar 31 Gorffennaf 2008. Ni ystyrir unrhyw geisiadau ar
ôl y dyddiad hwn ar gyfer eu gwobrwyo ond efallai y
cant eu harddangos.
Beirniadu
Mae penderfyniad y beirniaid yn derfynol. Ni fydd
unrhyw ohebiaeth.
Côd Cefn Gwlad
Cadwch at y Côd Cefn Gwlad bob amser wrth ymweld â
chefn gwlad a chymryd ffotograffau:-
Parchwch – Gwarchodwch – Mwynhewch
Byddwch yn ddiogel – cynlluniwch ymlaen a dilyn yr
arwyddion
Cofiwch adael giatiau ac eiddo fel y byddwch yn eu canfod
Gwarchodwch anifeiliaid a phlanhigion, ac ewch a’ch
ysbwriel gartref
Cadwch gwn o dan reolaeth lem
Ystyriwch bobl eraill
“Dilynwch y Côd Cefn Gwlad ble bynnag yr ewch.
Cewch y gorau allan o gefn gwlad a byddwch yn helpu i’w
gynnal yn awr ac ar gyfer y dyfodol.”
Dilynwch hawliau tramwy cyhoeddus pob amser neu gofynnwch
am ganiatâd y tirfeddianwyr cyn mynd ar eiddo preifat.
Mae rhagor o wybodaeth am y côd cefn gwlad ar gael
ar:
http://www.countrysidecodewales.org.uk/
advice-for-visitors.aspx
PARCHWCH Y CÔD CEFN GWLAD
